வெற்றித் தாலாட்டு.
கண்ணே கண்மணியே
பெண்ணே பெண்ணரசியே
பெருமை கொண்டு கண்ணுறங்கு.
அம்மா அவள் வெற்றிகொண்டாள்.
அன்பு மகள் கண்ணுறங்கு.
பெண்ணாகப் பிறந்த அம்மா
பேர்கொண்ட பெருமையடி
எண்ணி நீயும் கண்ணுறங்கு.
இன்னும் என்ன எண்ணமடி
அன்னம் நீயும் கண்ணுறங்கு.
பெண்ணவளின் தன்னுறுதி
பெண்குலத்தின் சின்னமடி
சின்ன வளே கண்ணுறங்கு.
முன்னம் அம்மா செல்லும்வழி
பின்னம் செல்ல கண்ணுறங்கு.
தைரியத்தின் லட்சணமாம்
தமிழகத்தின் தாரகையாம்.
தாயிருக்காள் கண்ணுறங்கு.
வைரம் கொண்ட உறுதியம்மா
வாழ்வளிப்பாள் கண்ணுறங்கு.
துஞ்சாத நெஞ்சமடி
அஞ்சாத ஜெயலலிதா
தஞ்சமடி கண்ணுறங்கு.
காலமது கைகொடுக்கும்
கண்ணே நீயும் கண்ணுறங்கு.
கொ.பெ.பி.அய்யா.
No comments:
Post a Comment