பாலாறு கட்டுரை.

பாலாறு பிரச்சனை மாண்புமிகு முதல்வரம்மா விளக்கம்.

காவேரி நதிநீர், முல்லைப்பெரியாறு அணை பிரச்னைகளில் தமிழ்நாட்டின் உரிமைகள் தம்மால் எவ்வாறு நிலைநாட்டப்பட்டதோ, அதேபோன்று, பாலாறு நதிநீர் பிரச்னையிலும் தமிழகத்தின் உரிமைகள் நிச்சயம் நிலைநாட்டப்படும் என மாண்புமிகு தமிழக முதல்வரம்மா  உறுதிபடத் தெரிவித்துள்ளார். பாலாறு நதிநீர் பிரச்னை குறித்து, ஆட்சி அதிகாரத்தில் இருந்தபோது, எவ்வித நடவடிக்கையும் எடுக்காத கருணாநிதி, ஆட்சி அதிகாரத்தையும், மக்கள் செல்வாக்கையும் முற்றிலும் இழந்த சூழ்நிலையில் அதுபற்றி அறிக்கை வெளியிட்டிருப்பது தமிழக மக்களை முற்றிலும் ஏமாற்றும் செயல் என கடும் கண்டனம் தெரிவித்துள்ள முதலமைச்சர் ; தமிழக மக்கள், கருணாநிதியை இனி எக்காலத்திலும் நம்பத் தயாராக இல்லை என்றும் குறிப்பிட்டுள்ளார். 

தமிழகத்தின் விடிவெள்ளி அம்மா அவர்கள் வெளியிட்டுள்ள அறிக்கையில், ஆட்சி அதிகாரத்தில் இருக்கும் போது, உறவுக்கு கை கொடுப்பதும், ஆட்சி அதிகாரம் இல்லாத போது, உரிமைக்கு குரல் கொடுப்பது போல் நடிப்பதும் தி.மு.க. தலைவர் திரு. கருணாநிதிக்கு கை வந்த கலை என்றும், அந்த வகையில், ஆட்சி அதிகாரத்தில் இருந்த போது, காவேரி நடுவர் மன்றத்தின் இறுதித் தீர்ப்பினை மத்திய அரசிதழில் வெளியிடவோ, முல்லைப் பெரியாறு பிரச்சனையில் தமிழக நலன்களை பாதுகாக்கவோ, நடவடிக்கைகள் எதையும் எடுக்காத திரு. கருணாநிதி, ஆட்சி அதிகாரத்தையும், மக்கள் செல்வாக்கையும் முற்றிலும் இழந்த சூழ்நிலையில், தற்போது பாலாற்றின் குறுக்கே அணை கட்டுவது குறித்து அறிக்கை வெளியிட்டு இருப்பது கேலிக்கூத்தாக உள்ளது என்றும் தெரிவித்துள்ளார். 

“முழுப் பூசணிக்காயை சோற்றில் மறைப்பது” என்ற பழமொழிக்கேற்ப, பாலாற்றின் குறுக்கே தடுப்பணை என்ற ஆந்திரப் பிரதேச அரசின் அத்துமீறிய செயலை உச்ச நீதிமன்றத்திற்கு எடுத்துச் சென்று, அங்கு தடுப்பணை கட்டுவதை தடுத்து நிறுத்தியதே தமது தலைமையிலான அரசுதான் என்பதை முற்றிலும் மறைத்து விட்டு, இந்தப் பிரச்சனையில் தான் ஏதோ மிகப் பெரிய சாதனையை செய்துள்ளது போல் தனது அறிக்கையில் தன்னை சித்தரித்துக் கொண்டிருக்கிறார் திரு. கருணாநிதி – திரு. கருணாநிதியின் அறிக்கை, தான் இன்னமும் அரசியலில் இருக்கிறேன் என்பதைக் காட்டிக் கொள்வதற்காக விடுக்கப்பட்ட அரசியல் ஆதாயம் தேடும் அறிக்கை போல் தான் அமைந்துள்ளது என முதலமைச்சர் அம்மா குற்றம்சாட்டியுள்ளார். 

இந்தச் சூழ்நிலையில், பாலாறு நதிநீர்ப் பிரச்சனை குறித்த உண்மை நிலையை விளக்குவது தமது கடமையென கருதுவதாக குறிப்பிட்டுள்ள முதல்வரம்மா அவர்கள், பன்மாநிலங்களுக்கிடையே பாயும் நதிகளில் ஒன்றான பாலாறு, கர்நாடக மாநிலத்தில் உற்பத்தியாகி, ஆந்திர மாநிலம் சித்தூர் வழியாகவெறும் நாற்பத்தைந்து கி.மீ தூரம் மட்டும் ஓடி, தமிழ்நாட்டிலுள்ள வேலூர் மாவட்டத்தில் நுழைந்து, திருவண்ணாமலை மற்றும் காஞ்சிபுரம் மாவட்டங்கள் வழியாக ஏறத்தாழ இருநூற்று இருபத்து இரண்டு கி.மீ.தூரம் அதாவது தமிழகத்தில்தான் வெகுதூரம் ஓடி  வங்காள விரிகுடாவில் கலப்பதாகத் தெரிவித்துள்ளார். 

1892-ஆம் ஆண்டைய சென்னை-மைசூர் ஒப்பந்தத்தின் அட்டவணை ‘A’-வில் குறிப்பிட்டுள்ளபடி, பன்மாநிலங்களுக்கு இடையே பாயும் 15 முக்கிய நதிகளில் பாலாறும் ஒன்றாகும்- இந்த ஒப்பந்தத்தின்படி, மேற்பகுதியில் உள்ள மாநிலங்கள் கீழ்ப்பகுதியில் உள்ள மாநிலங்களின் முன் அனுமதி இல்லாமல் புதிய அணை கட்டவோ அல்லது நீரைத் தடுப்பதற்கான கட்டுமானங்களையோ, அல்லது நீரைத் திருப்புவதற்கும், நீரைத் தேக்குவதற்கும் உரிய எந்த ஒரு செயலையும் மேற்கொள்ள முடியாது என்றும் முதலமைச்சர் தெரிவித்துள்ளார். 

சித்தூர் மாவட்டத்தில் குப்பம் என்னும் பகுதிக்கு அருகே பாலாற்றின் குறுக்கே 2 TMC அடி நீரைத் தேக்கும் வகையில் ஓர் அணையினை ஆந்திரப் பிரதேச அரசு கட்ட இருப்பதாகவும், அதற்கான பணிகள் விரைவில் தொடங்க உள்ளன எனவும் தகவல்கள் செய்தித் தாள்களில் தமது ஆட்சிக் காலத்தில் கடந்த 2006-ஆம் ஆண்டு ஜனவரி மாதம் 4-ம் தேதி வெளிவந்தவுடன், அடுத்த நாளே 1892 ஆம் ஆண்டைய ஒப்பந்தத்தை சுட்டிக்காட்டி, பாலாற்றின் குறுக்கே அணை கட்டும் திட்டத்தினை உடனடியாக கைவிட வேண்டும் என்றும் வலியுறுத்தி ஆந்திரப் பிரதேச முதலமைச்சருக்கு விரிவான கடிதம் ஒன்றை அன்றைய தமிழக முதலமைச்சராக இருந்த தாம் எழுதியதையும் முதல்வரம்மா  சுட்டிக்காட்டியுள்ளார். 

இதன் தொடர்ச்சியாக, கடந்த 2006-ம் ஆண்டு பிப்ரவரி மாதம் 1-ம் தேதியன்று மத்திய நீர் வளத் துறை அமைச்சகத்திற்கும் ஒரு கடிதம் தமது அரசால் அனுப்பப்பட்டது – அந்தக் கடிதத்தில் 1892-ஆம் ஆண்டைய ஒப்பந்தத்தின்படி, ஆந்திரப் பிரதேசத்தின் வழியாக பன் மாநிலங்களுக்கு இடையே பாயும் நதியான பாலாற்றில் எந்த விதமான பாசனத் திட்டத்தையும் ஆந்திரப் பிரதேச அரசு நிறைவேற்றுவதை தடுத்து நிறுத்த மத்திய அரசு உடனடியாக நடவடிக்கை எடுக்க வேண்டும் என்று வலியுறுத்தப்பட்டு இருந்தது – தம்முடைய கடிதத்திற்கு ஆந்திர முதலமைச்சரிடமிருந்தோ அல்லது ஆந்திர அரசிடமிருந்தோ எவ்வித பதிலும் வராத சூழ்நிலையில், தமிழக மக்களின் நலன்களை காப்பதற்காக, பாலாற்றின் குறுக்கே அணை கட்ட திட்டமிட்டு இருக்கும் ஆந்திரப் பிரதேச அரசின் திட்டத்தை தடுத்து நிறுத்த வேண்டும் என்று வலியுறுத்தி கடந்த 2006-ம் ஆண்டு பிப்ரவரி மாதம் 10-ம் தேதி உச்ச நீதிமன்றத்தில் தமது முந்தைய ஆட்சிக் காலத்திலேயே, வழக்கு தொடரப்பட்டது – தாம் 2006-ஆம் ஆண்டு ஆட்சியில் இருக்கும் வரை, ஆந்திர அரசு இந்தத் திட்டத்தை தொடங்கவில்லை என்றும் அம்மா அவர்கள் வெகு அழுத்தம் திருத்தமாக தெரிவித்துள்ளார். 

கடந்த 2006-ஆம் ஆண்டுக்கு பின்னர் போதாத காலமாக, தமிழ்நாட்டில் ஏற்பட்ட ஆட்சி மாற்றத்தினை அடுத்து, மைனாரிட்டி தி.மு.க அரசு திரு. கருணாநிதி தலைமையில் அமைந்த பின், ஆந்திர அரசு தடுப்பணை கட்டும் பிரச்சனையை அவ்வப்போது எழுப்பி வந்தது – அத்துடன் திட்டம் குறித்த வடிவமைப்பை தயார் செய்யும் நடவடிக்கையையும் எடுத்தது – அதனை அப்போதைக்கப்போதே, எதிர்க்கட்சித் தலைவராக இருந்த தாம் சுட்டிக்காட்டி, இதனை தடுத்து நிறுத்த நடவடிக்கை எடுக்க வேண்டும் என்று முந்தைய மைனாரிட்டி தி.மு.க. அரசை தாம் வலியுறுத்தியதையும் தமிழக நிரந்தர முதல்வரம்மா அடித்துக் கூறியுள்ளார்.

இந்தச் சூழ்நிலையில், 2009-ஆம் ஆண்டு ஜூலை மாதம், பாலாற்றின் குறுக்கே குப்பம் பகுதியை அடுத்த கணேசபுரத்தில் தடுப்பு அணை கட்ட வசதியாக, அந்தப் பகுதியில் மின்சார நிலையம் அமைக்கப்பட்டு உள்ளதாகவும்; தார்ச்சாலை போடப்பட்டு உள்ளதாகவும்; அணை கட்டும் பகுதியில் பாறைகளின் தன்மைகளை கண்டறியும் பரிசோதனைகள் நடத்தப்பட்டு வருவதாகவும்; முதல்கட்டமாக கால்வாய் அமைக்கும் பணிகள் நடைபெற்று வருவதாகவும்; இது குறித்த தகவல்கள் தமிழ்நாடு அரசின் பொதுப் பணித் துறைக்கு முன்கூட்டியே தெரிவிக்கப்பட்டு விட்டதாகவும் பத்திரிகைகளில் செய்திகள் வந்தன – அப்போது, மத்தியிலும், மாநிலத்திலும் ஆட்சி அதிகாரத்தில் இருந்த திரு. கருணாநிதி, இதைப் பற்றி ஆந்திர அரசைஏன் தட்டிக் கேட்கவில்லை என்றும்  முதல்வரம்மா ஆணித்தரமாக குற்றம் சாட்டியுள்ளார். 

தமிழ்நாட்டில் 2006 முதல் 2011 வரையிலும், மத்தியில் 2013 வரையிலும் ஆட்சியிலிருந்த தி.மு.க. தலைவர் திரு. கருணாநிதி, இந்தப் பிரச்சனையில் உச்ச நீதிமன்றம் மூலம் விரைந்து தீர்வு காணவோ; அல்லது அப்போது மத்திய அரசில் தனக்கிருந்த செல்வாக்கைப் பயன்படுத்தி, பேச்சுவார்த்தை மூலம் தீர்வு காணவோ எவ்வித நடவடிக்கையையும் எடுக்கவில்லை – தாம் மூன்றாவது முறையாக தமிழ்நாட்டின் முதலமைச்சராக கடந்த 2011-ம் ஆண்டு மே மாதம் 16-ம் தேதி பொறுப்பேற்ற பிறகு, உச்ச நீதிமன்றத்தின் ஆணைப்படி, மத்திய அரசின் நீர்வளத் துறை செயலாளரால் அதே ஆண்டு மே மாதம் 26-ம் தேதி கூட்டப் பெற்ற கூட்டத்தில், தமது உத்தரவின் பேரில் ஆந்திரப் பிரதேச மாநிலப் பகுதியில் பாலாற்றில் எவ்விதமான புதிய திட்டத்தையும் ஆந்திர அரசு மேற்கொள்ளக் கூடாது என தமிழக அரசின் சார்பில், ஆணித்தரமாக எடுத்துரைக்கப்பட்டது – இதனைத் தொடர்ந்து கடந்த 2011-ம் ஆண்டு ஜூன் மாதம் 14-ம் தேதி அப்போதைய பிரதமர் டாக்டர் மன்மோகன் சிங்கை, தாம் டெல்லி சென்று சந்தித்து, பாலாற்றின் குறுக்கே தடுப்பணை கட்ட உத்தேசித்துள்ள திட்டத்தை மேற்கொள்ளக் கூடாது என ஆந்திர மாநில அரசுக்கு அறிவுறுத்த வேண்டும் என கேட்டுக் கொண்டதையும் முதலமைச்சர் பட்டவர்த்தனமாக விளக்கம் கேட்டார்.. 

இதனையடுத்து, கடந்த 2011-ம் ஆண்டு ஜூலை மாதம் 4-ம் தேதி பிறப்பிக்கப்பட்ட உச்ச நீதிமன்றத் தீர்ப்பின்படி, இரு மாநிலங்களும் தங்களது வாதங்களில் உள்ள நியாயத்தை எடுத்துரைக்கும் வகையில், சாட்சிகளை நியமித்துள்ளன – தமிழ்நாடு அரசின் சார்பில் நியமிக்கப்பட்ட சாட்சியிடம் தற்போது குறுக்கு விசாரணை நடைபெற்று வருகிறது – அடுத்த குறுக்கு விசாரணைக்கான நாள், வரும் ஜூலை மாதம் நிர்ணயிக்கப்பட்டு இருக்கிறது – இரு மாநிலங்களைச் சார்ந்த சாட்சிகளின் குறுக்கு விசாரணை முடிந்த பிறகு, தமிழ்நாடு அரசு, ஆந்திரப் பிரதேச அரசு மற்றும் மத்திய அரசு ஆகியவற்றின் வாதங்களை கேட்டறிந்து, அதன் அடிப்படையில் உச்ச நீதிமன்றம் தீர்ப்பு வழங்கும் என்று எதிர்பார்க்கப்படுகிறது என முதலமைச்சர் குறிப்பிட்டுள்ளார். 

இந்தச் சூழ்நிலையில், ஆந்திரப் பிரதேச மாநிலம் குப்பத்தில், பாலாற்றின் குறுக்கே தடுப்பணை கட்டப்படும் என்று அம்மாநில முதலமைச்சர் அறிவித்து இருப்பதாக பத்திரிகைகளில் செய்திகள் வந்துள்ளன – இந்தப் பிரச்சனை உச்ச நீதிமன்றத்தில் நிலுவையில் இருப்பதாலும்; பாலாற்றின் குறுக்கே தடுப்பணை கட்டக் கூடாது என்று மத்திய நீர்வள ஆணையம் ஆந்திர பிரதேச அரசுக்கு அறிவுறுத்தியுள்ளதாலும்; பாலாற்றின் குறுக்கே தடுப்பணை கட்டுவது என்பது சாத்தியமற்ற செயல்- எனினும், இந்தச் செய்தி பத்திரிகைகளில் வெளிவந்த உடனேயே, அரசு உயர் அதிகாரிகளுடன் தாம் இதுகுறித்து ஆலோசித்ததாகவும், தமது அறிவுரையின்படி, தமிழ்நாடு அரசால் தொடரப்பட்டுள்ள வழக்கில் உச்ச நீதிமன்றம் தீர்ப்பினை வழங்கும் வரை, அங்கு எந்தத் திட்டத்தையும் மேற்கொள்ளக் கூடாது என ஆந்திரப் பிரதேச அரசுக்கு அறிவுரை வழங்குமாறு, மத்திய அரசுக்கு தமிழக அரசின் தலைமைச் செயலாளர் கடந்த 20-ம் தேதியே கடிதம் எழுதியுள்ளதாகவும் முதலமைச்சர் தெரிவித்துள்ளார். 

இந்தப் பிரச்சனையை தாம் மிகவும் உன்னிப்பாக கவனித்து வருவதாகவும், காவேரி நதிநீர்ப் பிரச்சனையிலும், முல்லைப் பெரியாறு நதிநீர்ப் பிரச்சனையிலும், எப்படி தமிழ்நாட்டின் உரிமை தம்மால் நிலைநாட்டப்பட்டதோ, அதே போன்று பாலாறு நதிநீர்ப் பிரச்சனையிலும் தமிழ்நாட்டின் உரிமை நிலை நாட்டப்படும் என்பதைத் தெரிவித்துக் கொள்வதாக முதலமைச்சர் உறுதிபட தெரிவித்துள்ளார். 

பாலாறு நதிநீர்ப் பிரச்சனை குறித்த தி.மு.க. தலைவர் திரு. கருணாநிதியின் அறிக்கை, ஆட்சி அதிகாரத்தில் இருந்த போது “கோட்டை விட்டுவிட்டு,” ஆட்சி அதிகாரத்தை இழந்த சூழ்நிலையில், எதையோ நினைத்து “மனக்கோட்டை” கட்டுவது போல் அமைந்துள்ளது – திரு. கருணாநிதியின் மற்ற அறிக்கைகளைப் போலவே, இந்த அறிக்கையும் தமிழக மக்களை ஏமாற்றும் செயல் என்றும், திரு. கருணாநிதியை இனி எக்காலத்திலும் நம்பத் தமிழக மக்கள் தயாரில்லை என்றும் தமிழகத்தின் நிரந்தர முதல்வரம்மா தமது அறிக்கையில் குறிப்பிட்டுள்ளார்.

கட்டுரை

புரட்சித்தலைவர் எம்.ஜி.ஆருக்கு பிறகு

தமிழ்நாடு சட்டமன்ற பொதுத் தேர்தலில் புரட்சித்தலைவர் எம்.ஜி.ஆருக்கு பிறகு அதே போன்ற ஒரு வரலாற்று சிறப்பு மிக்க வெற்றியை தமிழக அம்மா  தலைமையிலான அனைத்திந்திய அண்ணா திராவிட முன்னேற்றக் கழகத்திற்கு வழங்கியுள்ளார்கள். அம்மா என்றும் மக்கள் பக்கம் தான், மக்கள் என்றும் அம்மா பக்கம் தான் என்பதை இந்த தேர்தல் முடிவுகள் நிரூபித்துள்ளன. அம்மா தலைமையிலான அனைத்திந்திய அண்ணா திராவிட முன்னேற்றக்கழகம் மக்கள் நலனுக்கான பல்வேறு திட்டங்களை கடந்த 5 ஆண்டுகளில் செயல்படுத்தியுள்ளது.
அதற்கு மக்கள் அளித்த அங்கீகாரம் தான் இந்த தேர்தல் வெற்றி. தி.மு.க ஊடகங்கள் வாயிலாகவும், பிரச்சாரங்கள் மூலமும் பல்வேறு பொய்களை கட்டவிழ்த்துவிட்டனர். அவர்களது பொய் குற்றசாட்டுகளை மறுத்து விளக்கங்களை அளித்தாலும், அதைப் பற்றி சிறிதும் கவலைப்படாமல், கோயபல்ஸ் பாணியில் தாங்கள் சொன்ன பொய்களை திரும்ப திரும்ப சொல்லி வந்தனர். அம்மா தலைமையிலான அனைத்திந்திய அண்ணா திராவிட முன்னேற்றக் கழக அரசை பற்றி கற்பனை குற்றசாட்டுகளை அள்ளி வீசினர். ஆனால், இவ்வாறெல்லாம் தமிழக மக்களை ஏமாற்ற முடியாது என்பதை இந்த வெற்றியின் மூலம் தமிழக மக்கள் நிரூபித்துள்ளார்கள். தமிழக மக்களை, அதிலும் குறிப்பாக ஏழை, எளிய மக்களை காக்கும் இயக்கம் அ.தி.மு.க தான் என்பதை தமிழக மக்கள் நன்கு உணர்ந்த காரணத்தால் தான் மீண்டும் ஆட்சிப் பொறுப்பை அம்மாவுக்கு வழங்கியுள்ளார்கள்.
தேர்தல் நடைபெற்ற 232 சட்டமன்ற தொகுதிகளில் 134 இடங்களில் அனைத்திந்திய அண்ணா திராவிட முன்னேற்றக் கழக வேட்பாளர்களை வெற்றி பெற செய்துள்ளார்கள். அம்மா மீது தளராத நம்பிக்கை வைத்துள்ள தமிழக மக்கள் மீண்டும் ஆட்சிப் பொறுப்பை வழங்கியதற்காக அம்மாவின் சார்பாக எனது நெஞ்சார்ந்த நன்றியினை நான் தெரிவித்துக் கொள்கிறேன். அம்மா ஏற்கெனவே சொல்லியதைப் போல தமிழக மக்கள் பால் அம்மாவுக்குள்ள நன்றியுணர்வை வெளிப்படுத்த அகராதியில் போதிய வார்த்தைகளே இல்லை. தமிழக மக்கள் நலனுக்காக அம்மா புதிய உத்வேகத்துடன் செயல்பட்டு தனது நன்றியை செயலில் காண்பிப்பார் என்ற உறுதியை தெரிவித்துக்கொள்கிறேன்.
தேர்தல் வெற்றி ஒன்றையே குறிக்கோளாகக் கொண்டு உழைத்த எம்.ஜி.ஆரின் ரத்தத்தின் ரத்தமான, அம்மாவின் உயிரினும் மேலான அருமை கழக உடன்பிறப்புகளுக்கும், கழக நிர்வாகிகளுக்கும், தோழமை கட்சி தலைவர்களுக்கும், தொண்டர்களுக்கும் அம்மாவின் சாட்சியாக நெஞ்சார்ந்த நன்றியை உரித்தாக்கிக் கொள்கிறேன்.

வரலாற்றைத் தீர்மானிப்பது மக்களே ! மக்களை முட்டாள்கள் என்று நினைப்பவர்கள்தான் முட்டாள்கள்! தமிழகத்தில் மக்களின் சமூக உளவியல் மிக வியப்பாக இருக்கிறது. சாதி, மதம், சினிமா ஆகியவை வேறு... அரசியல் வேறு என்று தெளிவாக இருக்கிறார்கள். ஒருவர் ஒரு நடிகரின் தீவிரமான ரசிகராக இருக்கலாம். ஆனால் அதற்காக அந்த நடிகரின் அரசியலை ஏற்றுக்கொள்பவராக இருக்கமாட்டார். திருமணம் போன்ற குடும்ப உறவுகளில் தனது சாதியை ஒருவர் விட்டுக்கொடுக்காமல் இருக்கலாம். ஆனால் அதற்காகத் தேர்தல் அரசியலில் தனது சாதியின் பின்னால் சென்றுதான் ஆகவேண்டும் என்று நினைக்கமாட்டார். அதுபோன்றுதான் குறிப்பிட்ட மதத்தில் பற்றுடையவரும். இது வேறு .. அது வேறு என்று தெளிவாக மக்கள் இருக்கிறார்கள். எனவேதான் சாதிகளை அடிப்படையாகக்கொண்ட சில கட்சிகள் தாங்கள் அப்படிப்பட்டவர்கள் இல்லை என்று கூறுவதை இன்று நாம் பார்க்கலாம். பிரபலமான நடிகர்கள் அரசியலுக்கு வருவதற்குப் பயப்படுவதும் அதனால்தான்!. மதத்தை அடிப்படையாகக்கொண்ட கட்சிகள் தாங்கள் அவ்வாறு இல்லை என்று காட்டிக்கொள்ள முயலுவதையும் பார்க்கலாம். இன்றைய தேர்தல் அரசியலில் மதம், சாதி, சினிமா ஆகியவற்றின் சில பாதிப்புகள் காணப்பட்டாலும், அவை பிரதானமான அம்சமாக இல்லை என்பதே உண்மை. ஆராயப்படவேண்டிய ஒரு சமூக உளவியல் அம்சம் இது!

இன்று நம் உயிரினும் மேலான அதிமுக தனிப்பெரும் கட்சியாக 134 தொகுதிகளில் வெற்றி பெற்று ஆட்சியை தக்க வைத்துள்ளது என மகிழ்வான இந்த நேரத்தில் நம் கழகத்தின் முக்கிய நபர்கள் தோல்வியை தழுவியுள்ளனர். ஏன் இந்த தோல்வி என்பதை நாம் சுய பரிசோதனை செய்வது முக்கியமான ஒன்று. மக்கள் நல திட்டங்கள் என அம்மா அவர்கள் செய்த சாதனைகளையும் தேர்தல் அறிவிக்கையையும் கழக நிர்வாகிகளும் வேட்பாளர்களும் சரியாக மக்களிடம் கொண்டு சேர்க்க வில்லை என்பது தெள்ளத் தெளிவாகத் தெரிகிறது. மேலும் பதவி வந்தவுடன் கர்வத்துடனும் தார்மீக நடவடிக்கையுடனும் உயர் மட்டத்தில் உள்ளவர்கள் தொண்டனை மதிக்காததும் தான் முதல் காரணம். மேலும் மாநகராட்சி மேயராக பதவி வகித்த சிலரும் மற்றும் மாமன்ற உறுப்பினர்கள் பலரும்  அம்மா அவர்கள் நல திட்டத்திற்காக ஒதுக்கப்பட்ட நிதியினை பெற்றும் அந்த நல திட்டங்களை விரைந்து செய்யாததும் ஒரு காரணம்தான்.இன்னொன்றும் நான் சொல்லித்தான் ஆகவேண்டும்.உள்ளாட்சி உறுப்பினர்கள்  தங்கள் பகுதி மக்களிடம் நெருக்கமான அணுகுமுறை வைத்துக்கொள்வதற்கு பதிலாக அவர்களின் ஆதரவும் அனுகூலமும் இல்லாமல் நாம் மீண்டும் அதிகாரத்தை தக்கவைத்துக்கொள்ள இயலாதது என்பதை மறந்தும் தங்கள் கடமையை புறக்கணித்தும் முகம் சுளிக்கும் விதத்திலும் நடந்துகொண்டதும்தான் நகரப்பகுதிகளில் நடுநிலை மக்களின் ஆதரவை இழக்கக் காரணமாக அமைந்துள்ளது என்பதும் மறுப்பதற்கில்லை.ஆகவே இன்று மக்களின் எண்ணங்களில் இவ்வாறாக ஆட்சிக்கு அவப்பெயரை உருவாக்கும்இப்படிப்பட்ட எதிர்வினை உள்ளாட்சி அமைப்புகள் தேவைதானா எனற பொதுவான கருத்தும் நிலவி வருகிறது என்பதும் உண்மை.ஆகவே அரசியலை ஒரு தொழிலாகக் கருதாமல் மக்கள் தொண்டாகக் கொண்டு செயல்பட முனைபவர்களை அடையாளம் கண்டு பொதுவாழ்வுக்கு கொண்டுவர அம்மா ஆலோசிப்பதையும் நான் உணர்கிறேன்.  எனவே இனிமேலாவது வெற்றி பெற்ற நம் கழக உறுப்பினர்கள் பதவி வந்து விட்டதால் மமதை இல்லாமல் உங்கள் பணிவை மக்களிடம் காட்ட தயாராகுங்கள். இரவு பகலாக உங்களுக்காக பாடுபட்ட என்னை போல் தொண்டனுக்கு எதுவும் செய்ய வேண்டாம். அன்புடனாவது பேச பழகுங்கள் அடுத்த தேர்தலில் 234 ம் நமதே.

கொ.பெ.பி.அய்யா.

கல்வி சிறந்த தமிழ்நாடு.

கல்வி சிறந்த தமிழ் நாடு.

"இந்தியாவில் கல்வி சிறந்த நாடு
சந்தியாவின் புதல்வி அரசாளும் தமிழ்நாடு"
என்பதற்கு முன்னுதரணமாக இன்று அம்மாவின் தமிழாட்சி மாநிலம்
தமிழ்நாடு விளங்குகிறது.

எந்தவொரு நாடு கல்வியில் சிறந்து விளங்குகிறதோ அந்தவொரு நாடுதான் சகல துறைகளிலும் சிறந்துவிளங்கும் என்ற கோட்பாட்டிற்கு இணங்க தமிழ்நாடு கல்வி உயர்ந்த நாடு என்ற பெருமையை எட்டும் வகையில் அம்மாவின் அரசு கல்விக்கு முக்கியத்வம் கொடுத்து வருகிறது.

அனைவர்க்கும் கல்வி. கல்லாரே இல்லார் என்ற குறி நோக்கோடு நூறு சதவிகிதம் கல்வி பெற்ற மாநிலம் தமிழ்நாடுதான் எனும் பேரு பெற பலப்பல திட்டங்களை அம்மா தீட்டி செயல்படுத்தி வருகிறார்.அவற்றில் சில இங்கே காண்போம்:-

1)கல்வி முன்னேற்றத்திற்குப் பெரும் இடையூறாக இருப்பது வறுமைப்பட்ட மாணவர்கள் தொடர்ந்து கல்வி பெற முடியாமல் சமூகம் மற்றும் குடும்பச்சூழலின் காரணமாக இடைநிற்றல் என்பதாகும். அவ்வாறான இடைநிற்றலை தவிர்க்கும் வகையில் மாணவர்கள் கல்விச்சாலைகளுக்கு சென்றுவரத் தேவையான விலையில்லாச்சைக்கிள்,பாடங்களைப் பதிவிறக்கம் செய்து கற்கத் தேவையான மடிக்கணினி,விலையில்லாப் பாடப் புத்தகங்கள்,காலணிகள்,சீருடைகள்,மற்றும் காலையில் உணவுக்காக காத்திராமல் சரியான வேளைக்குப் பள்ளிக்கு செல்ல ஏதுவாக ஆரம்பக் கல்வி பயிலும் குழந்தைகளுக்கு காலைச்சிற்றுண்டி வழங்கவும்,மதிய வேளை முட்டையுடன் சத்தான உணவு பள்ளிகளில் தொடர்ந்து வழங்கிடவும் அம்மா ஆணை பிறப்பித்துள்ளார்.

2)ஐந்து கிலோமீட்டர் சுற்றளவுக்கு ஒரு உயர்நிலைப்பள்ளி என்ற நிலை நூறுசதவிகிதம் எட்டும் நிலையை அடைய மேலும்மேலும் உயர்நிலைப்பள்ளிகளின் எண்ணிக்கையை அதிகரித்தல் தொடர்பாக கல்வித்துறை அதிகாரிகளுக்கு அம்மா உத்தரவிட்டுள்ளார்.

3) மாநிலத்தில் உள்ள 5265 பள்ளிகளிலும் கணினி வழியாக ஸ்மார்ட் வகுப்புக்களை இந்த கல்வி ஆண்டுக்குள் தொடங்கிடவும் கல்வித்துறை அம்மாவின் ஆணையால் முடுக்கி விடப்பட்டுள்ளது..

4)அரசுப்பள்ளிகளில் 5865 ஆசிரியர் காலிப்பணியிடங்களும் ஆசிரியர் தகுதித் தேர்வுக்கு எதிராக நீதிமன்றத்தில் நிலுவையில் உள்ள வழக்கு முடித்து வைக்கப்பட்டவுடன் உடனடியாக நிரப்ப நூறு சதவிகிதம் அரசு தயார் நிலையில் உள்ளது.

5)9,மற்றும் 10 ம் வகுப்புக்களில் தொழிற் கல்வி பாடத்திட்டம் கொண்டு வர அம்மாவின் அரசு முடிவு செய்துள்ளது.இதன்மூலம் ஏட்டுச்சுரைக்காய் வீட்டுக்கு உதவாது என்ற நிலை மாறி இளைஞர்கள் சுயகாலில் நிற்பார்கள் என்பதும் உறுதியாகிறது.

6)அம்மாவின் ஆணைக்கிணங்க வெளியூர்களில் கல்விபயிலும் மாணவர்க்கான அரசு விடுதிகள் அனைத்தும் அனைத்துவசதிகளுடன் கூடிய
அரசுக்கு சொந்தமான கட்டிடங்களில் இயங்கும் வேகத்தில் கட்டிடப்பணிகள்
நடைபெற்று வருகின்றன.மேலும் 845 பள்ளிகளில் ரூபாய் ஆயிரம் கோடி மதிப்பீட்டில் கட்டிடப்பணிகள் நிறைவுறும் தருவாயில் உள்ளன.

ஒரு மாநிலம் தன் வளர்சிப்பாதையில் சென்றடையும் வேகம் சிதை படாமல் இருக்கவும், சென்றடையும் இலக்கும் எட்டப்பட வேண்டுமானாலும் ஆட்சி மாற்றம் எனும் தடங்கல் இல்லாமல் தொடரும் பட்சத்தில்தான் வளர்ச்சி என்பதும் சாத்தியமாகும் என்பதை சரியாகப் புரிந்து கொண்ட தமிழக மக்கள் அம்மா மீண்டும் ஆறாவது முறையாக ஆட்சிப் பொறுப்பேற்க கடந்த தேர்தல் மூலம் சரியான தீர்ப்பை வழங்கியமைக்கு தமிழக மக்களுக்கு கோடானுகோடி நன்றி சொல்வோமாக!

அம்மாவின் தீர்க்க தரிசனம் 2023- 100%வெற்றியடையும் என்பதில் எள்ளளவும் ஐயமில்லை.

நன்றி தமிழ்ச்சொந்தங்களுக்கு.

கொ.பெ.பி.அய்யா.

கட்டுரை.பெட்ரோல்

விலைவாசியின் ஆணிவேர்?

பெட்ரோலும், டீசலும்தான் விலைவாசியை நிர்ணயிக்கும் ஆணிவேர் என்றால் யாராலும் மறுக்க முடியுமா?கடந்த மூன்று மாதங்களில் மட்டும் பெட்ரோல்-டீசல்விலை ஆறுமுறை உயர்த்தப்பட்டுள்ளது.ஆனாலும் ஒருமுறைகூட கடந்த ஆறு ஆண்டுகளில் அம்மாவின் தமிழ் நாடரசு பேருந்துக் கட்டணத்தை உயர்த்தியதுண்டா?.எதற்கெல்லாமோ காட்டுக்கூச்சல் போடும் எதிர்க்கட்சிகள் அவ்வப்போது உயர்த்தப்படும் பெட்ரோல்-டீசல் விலை உயர்வுக்கு எதிரான அம்மாவின் சவாலை பாராட்டும் பக்குவம் உண்டா?

சில விவசாய விளை பொருட்களின் விலை அவ்வப்போது பற்றாக்குறை ஏற்படும் காலங்களில் விலை ஏற்றங்கள் என்பதும் தவிர்க்க முடியாதுதான்.அதுவும் தற்காலிகமானதுதான் என்பதும் எல்லோர்க்கும் தெரிந்த உண்மைதான்.தக்காளி ஒருகிலோ ஆறு ரூபாய்க்கு விற்றால் நுகர்வோர்க்கு சேமிப்பு மிஞ்சுகிறது.அதேவேளை அது விவாசாயிக்கு பொருளாதார இழப்பு என்பதையும் நம்மில் எத்தனை பேர் உணர்கிறோம்?

பெட்ரோல்-டீசல் விலையை நிர்ணயம் செய்துகொள்ள அதை விநியோகம் செய்வோர்க்கு அதிகார உரிமை வழங்கியுள்ள நடுவண் அரசு உணவுப்பொருட்களை உற்பத்திசெய்யும் விவசாசியிக்கு தங்கள் விளை பொருட்களுக்கு தாங்களே விலை நிர்ணயம் செய்யும் உரிமை பெற அனுமதிக்குமா?ஏனிந்த பாரபட்சம் என்று கேட்கும் தைரியம் அம்மாவைத் தவிர எவர்க்கிருக்கும் இந்த இந்திய நாட்டில்?

விலைவாசி உயர்வுக்கு மூன்று அடிப்படைக் காரணங்கள் உள்ளன.அவை
பணவீக்கம்,பற்றாக்குறை,மற்றும் போக்குவரத்து.சரக்குப் போக்குவரத்துக்குப் பயன்படும் கனரக வாகனங்கள் பெட்ரோல்-டீசல் விலை உயர்வு ஏற்படும் போதெல்லாம் அதன் பாதிப்புக்கு ஏற்றாற்போல் கட்டணத்தை ஏற்றிக்கொள்ளும் போதெல்லாம் விலைவாசி உயர்கிறது என்பதைக்கருத்தில் கொண்டுதான் மாண்புமிகு அம்மா தமிழக முதல்வர் அவர்கள் சிறு குறு விவசாயிகளின் விளைபொருட்களை குறைந்த கட்டணத்தில் பேருந்துகளில் சந்தைகளுக்கு எடுத்துச்செல்வதில் பாதகம் ஏற்பட்டுவிடக்கூடாது என்ற தாயுள்ளத்தோடு அரசுக்கு ஏற்படும் இழப்பைத்தாங்கிக் கொண்டு பேருந்துக் கட்டணத்தை உயர்த்தாமல் விலைவாசியும் ஓரளவு கட்டுக்குள்ளிருக்க வகை செய்துள்ளார் என்பதை வெற்றுக்கூச்சல் வேலைக்கு ஆகா எதிர்க்கட்சியினர் ஒப்புக்கொள்வார்களோ இல்லையோ!ஆனால் தமிழக மக்கள் புரிந்து கொண்டுதான் முப்பத்தி இரண்டுகால சரித்திர நிகழ்வாக மக்களுக்காக ஆண்ட அம்மாவின் அரசையே மீண்டும் ஆளுங்கட்சியாக்கி ஆறாவது முறையாக அரியணை ஏற்றி தர்மத்தை நிலைநிறுத்தியுள்ளார்கள்.அப்படித்தான் உலகமும் பேசிப்பாராட்டுகிறது.வாழ்க தமிழ் மக்கள்.

கொ.பெ.பி.அய்யா.

பிறந்த நாள் வாழ்த்து.

(பிறந்த நாள் வாழ்த்து)

வளரும் வாலிபம் நீள்கவே!
புலரும் காலமும் போல்கவே!
மலரும் சூழலும் ஆள்கவே!
ம் பொழுதும்!

பெற்றவர் ஏற்றும் வாழ்வறமே!
மற்றவர் ஆற்றும் போல்கவே!
கற்றவர் போற்றும் நூல்வகமே!
உற்றவர் காமேஸ் வாழ்கவே!

காலம் கொடுக்கும் பாடமே!
ஞாலம் படிக்கும் போல்கவே!
ஆழம் அறியும் அறிவினையே!
கோலம் காமேஷ் நெறிவழியே!

வாழும் இயக்கம் வாழ்கவே!
நாளும் தொடக்கம் போல்கவே!
ஆளும் அம்மா பாதையே!
நீளும் காமேஷ் வாழ்க்கையே!

மனிதம் கொண்டாடும் ஆளாக!
இனிதம் என்றாடும் போலாக!
இதயம் வென்றாடும் பேராக!
உதயம் காமேஷ் நாளாக!

கொ.பெ.பி.அய்யா.

புதியபாதை.

புதிய பாதை புதிய பயணம்.

எதிரிக் கட்சிகள் தமது மூக்கின் மீது விரல் வைத்து வியக்கும் வண்ணம் அம்மாவின்  புதிய பயணம் புதியபாதையில்பயணிக்கத்தொடங்கியுள்ளது.
இனி எவரும் எக்காரணத்திற்காகவும் அம்மாவை நோக்கி விரல் நீட்டி பேசமுடியாத அளவிற்கு வாயடைத்துப் போயுள்ளனர்..தங்கள் இஷ்டத்திற்கும் எழுதியும் விமர்சித்தும் மக்களை ஏமாற்றி வந்த ஊடகங்கள் இப்போது பாராட்டு மழை பொழிந்து பாசம் காட்டுகின்றன.

ஆறாவது முறையாக அம்மா பதவி ஏற்றுக்கொண்ட நாளில் தங்களின் விஷமத்தனமான விமர்சனங்களுக்கு என்ன தீனி கிடைக்கும் என்றே சில கோயாபெல்ஸ் ஊடகங்கள் தேடித்தேடி அலைந்தன.அனால் அம்மாவின் புதிய பாதையில் புதிய பயணத்தின் ஆச்சர்யம் கண்டு அயர்ந்து மயங்கி வீழ்ந்தன.

அம்மாவின் போயஸ் கார்டன் வேதா இல்லத்திலிருந்து பதவி ஏற்கும் பல்கலைக்கழகம் நூற்றாண்டு மண்டபம் வரைஆறு கிலோமீட்டர் வழி நெடுகிலும் அம்மாவின் பதவியேற்பு சம்மந்தமான எந்தவொரு பதாகைகளும் எழுத்தும் இடம்பெறவில்லை.அதே சமயம் போக்குவரத்து நெருக்கடிகளும் இல்லை.அது மாத்திரம் அல்ல கழகத் தலைவர்களின் பௌவியாமான பணிவுத் துதிபாடுகளும் இல்லை.இவ்வாறான துதிபாடுகள் அம்மாவின் விருப்பமும் அல்ல.ஆனால் கழகச்சொந்தங்கள் தங்கள் உள்ளம் எழும் உணர்சிப்பூர்வமான மரியாதை நிமித்தமாக தங்களையே அறியாமல் நிகழும் அனிச்சைச்செயல் என்று வாய்மலர்கிறார்கள்.ஆகவேதான் பதவியேற்பின் போது எப்படி யெல்லாம் நடந்து கொள்ளவேண்டும் என்றும்  கழக உடன்பிறப்புக்களுக்கு முன் பயிற்சி கொடுத்தும் அம்மா அழகு செய்தார்.

மரியாதை என்பது வேண்டிப்பெறுவதல்ல.அது உதிரத்தில் தோன்றிப் பெறுவது.லட்சத்தில் ஒருவருக்குத்தான் அப்படிப்பட்ட அபூர்வ தெய்வீக இலட்சணம் இயற்கையாக அமைந்து இருக்கும்.அப்படியொரு மரியாதைக்குரிய முகராசி அம்மாவுக்கே ஆண்டவன் அருளிய அதிசயம்.அந்த அம்மானுச்யமான அம்மாவின் ஆளுமைத்தோற்றம் அவரைப் பார்த்த மாத்திரமே பணிந்து தொளச்செய்கிறது என்பதுதான் சத்தியம்.அவ்வாறான சுய எழுச்சியை மாற்றுவது என்பதும் சாத்தியமே என்பதையும் அம்மா சாதித்துக்காட்டினார்.

அம்மாவின் வாழ்க்கைஎன்பதும்மக்களுக்காகவேஅர்ப்பணிக்கப்பட்டது.தமிழக மக்கள்தான் அவர் சொந்தம்.அம்மாவின் பிறப்பும் ஒரு அவதாரம்.அவதாதாரம் எடுத்த அத்தனை மனிதர்களும் சோதனைகளுக்கும் உள்ளாக்கப்பட்டதும் உள்ளாக்கப்படுவதும் இறைவனின் திருவிளையாடல்கள்தான்.இறைவனின் திருவிளையாடல்கள் அனைத்தும் இறுதியில் திருவினைகளாகவே திருவடிவங்களாகும் என்பதே திருமறைகளின் சத்தியம்.அப்படித்தான் அம்மாவும் இன்று புடம்போட்ட தங்கமாக தங்கத்தாரகையாக மிளிர்கிறார்.இனி அவரை அசைக்க எந்த சக்தியாலும் இயலாது.இது வெறும் கூற்றல்ல,இதுதான் அம்மாவின் வரலாறு.இது இறைவனால் எழுதப்பட்டது.இதை மாற்றும் வல்லமை எவர்க்கும் இல்லை.மக்களால் அம்மா.மக்களுக்காகவே அம்மா.இதுதான் அம்மாவின் அவதார நோக்கம்.

இனி காணப்போகும் அம்மாவின் ஆட்சி.இந்திரலோகத்தின் காட்சி.சுவர்க்கம் என்பதை இப்பூவுலகிலேயே கண்டுணரலாம்.இனி பசுமைக்குப் பஞ்சமிருக்காது.பசியென்ற சொல்லிருக்காது.இனி மழைநீர் ஒரு சொட்டுக்கூட கடல்நீரைக்காண முடியாது.ஆறு குளங்கள் அனைத்தும் தரை காட்டாது.இனி ஏழை எனும் பெயர் சுமந்து எவனும் இருக்கமாட்டன்.இனி இரவும் பகலும் வேற்றுமையின்றி எப்போதும் ஒளிரும் தமிழகம் ஒரு அடையாள பூமியாக அம்மாவின் ஆட்சி முத்திரையாக அகிலம் போற்ற விளங்கும் என்பதும் சத்தியமே.

அம்மா என்றால் தமிழகம்.
தமிழகம் என்றால் அம்மாதான்.
என்றென்றும் தமிழாட்சி-அது
ஒன்றென்றும் நிலையாட்சி.

ஆளப் பிறந்தவர் அம்மாதான்.
அவர்தான் தமிழே அம்மாதான்.
தமிழாம் தவமே அம்மாதான்.
தமிழின் ஆட்சி அம்மாதான்.

கொ.பெ.அய்யா.

சாதனைப் பெண்மணி கட்டுரை.

சாதனைப் பெண்மணி சரித்திர நாயகி அம்மா.

சாதிக்கப் பிறந்த அம்மா பல சாதனைகளில் சரித்திரம் படைத்தது சாதாரண விடயம் அல்ல.அம்மாவின் சாதனைகள் சிலமட்டும்தான் இங்கே காண்போம்.

#நமது புரட்சித் தலைவர் 1987ல் அமெரிக்காவில் சிகிச்சை பெற்று வந்தபோது அப்போது நடைபெற்ற சட்டமன்றத் தேர்தலில் நமது கழகம் தலைமை ஏற்று நடத்த பொறுப்பான தலைமையின்றி தடுமாறிய அந்த இக்கட்டான காலக்கட்டத்தில் புரட்சித் தலைவி அம்மாதான் துணிந்து முன்னின்று பட்டி தொட்டி கிராமங்கள் தோறும் சென்று கண்துஞ்சாது அரும்பாடுபட்டு பரப்புரை செய்து வெற்றிக்கனியை வென்றெடுத்து சிகிச்சை முடித்து வந்த நம் பொன்மனச்செம்மலிடம் காணிக்கையாகப் பரிசளித்தார் என்பதை யாரும் சாமான்ய விடயமாகக் கருதி மறந்திடவும் முடியுமா?.

#புரட்சித்தலைவர் மறைவுக்குப்பின் எதிரிகளின் சூழ்ச்சிச் சதியால் நமது இயக்கம் இரண்டாக உடைக்கப்பட்டு நமது வெற்றிச்சின்னம் இரட்டை இலையும் அண்ணாவின் முத்திரை பதிக்கப்பட்ட நமது இயக்கத்தின் வெற்றிக்கொடியும் முடக்கப்பட்டன.ஆனால் அம்மா தனது ஓயா உழைப்பாலும் திறமையாலும் அயரா முயற்சியாலும் உடைபட்ட இயக்கத்தை ஒன்றிணைத்துக் காத்து இழந்த கொடியையும் சின்னத்தையும் மீட்டெடுத்த பெருமையும் புகழும் அம்மாவின் சாதனைதான் என்பதையும் எவராலும் மறுக்க முடியுமா?இந்திய அரசியல் வரலாற்றில் எந்தவொரு அரசியல் இயக்கமும் தான் இழந்த சின்னத்தையும் கொடியையும் மீட்டெடுத்த வரலாறு உண்டா?நூறாண்டுகளுக்கும் மேல் காங்கிரஸ் பேரியக்கத்தால் கூட தான் இழந்த இராட்டை முத்திரை பதித்த மூவண்ணக்கொடியையும் இரட்டை மாட்டு சின்னத்தையும் மீட்டெடுக்க வக்கின்றி எத்தனையோ சின்னங்கள் மாறி மாறி இன்று கை சின்னத்தில் வந்து நிற்கின்றது.சிதறுண்ட அக்கட்சி இன்னமும் சிதறிக்கொண்டுதான் சிதைகின்றது என்பதும்தானே உண்மை?.

#புரட்சித்தலைவர் காலத்தில் கூட கால்பதிக்க முடியாதிருந்த சென்னையைத் தனது கோட்டைக் கொத்தளமாக்கி மாநகரத்தையும் கைப்பற்றி இன்று பெருநகரமாக்கிய சாதனை அம்மாவின் அற்புதம் என்பதையும் யாரால் மறுக்க முடியும்?

#தமிழமெங்கும் விரிந்து பரந்திருந்த ரௌடிகளின் சாம்ராஜ்யத்தை வேரறுத்து கட்டப்பஞ்சாயத்து,நில அபகரிப்பு,கந்துவட்டிக் கட்டாய வசூல் ஆகிய கொடுமைகளை ஒழித்து தமிழகம் ஒரு அமைதி பூங்காவாக அழகு பெற்றதும் அம்மாவின் அருஞ்சாதனை அல்லாது யாருடைய சாதனை?

#அன்று வயிற்றுக்குச்சோறில்லையெனில் இச்செகத்தினை அழித்திடுவோம் என்றும் மகாகவி கோவக்கனல் தெறிக்கப் பாடினான்.அவன் ஏக்கத்தை உணர்ந்தஅம்மாதான்இன்றுதமிழகத்தில்பிச்சைக்காரகள்இல்லை.பட்டினிச்சாவில்லைஎன்ற நிலையை உருவாக்க.ஆலயங்களில்  அன்னதானம்.அம்மா உணவகம் ஆகிய அன்னதான மையங்களை அமைத்து அன்னபூரணித் தாயாக அம்மா விளங்குகிறார்.இதைவிட ஏழைகளின் வயிறு குளிர வேறென்ன சாதனை இவ்வுலகில்?

#இது வரை அரசியல் வரலாற்றில் எந்தவொரு அரசியல் இயக்கமும் தனது வாக்கு சதவிகிதத்தை நிலை நிறுத்திகொண்டதில்லை.ஆனால் அம்மாவின் தலைமையில் உள்ள அகில இந்திய அண்ணா திராவிட முன்னேற்றக்கழக இயக்கம் மட்டும்தான் தேர்தலுக்குத் தேர்தல் தனது வாக்கு சதவிகிதத்தை உயர்த்திக்கொண்டே உள்ளது.இதைவிட அம்மாவின் சாதனைக்கு வேறென்ன
சாட்சி வேண்டும்?

#அரசியல் காழ்ப்புணர்ச்சியால் அம்மாவின் மீது சுமத்தப்படும் அத்தனை பொய் வழக்குகளையும் சட்டபூர்வமாகவே சந்தித்து அவற்றை பொடிப்பொடியாக்கி வெற்றி காண்போதோடு மட்டும் அல்லாமல்.தனது மாநிலத்தின் அடிப்படை உரிமைகள் பறிக்கப்ப்படும்போதெல்லாம் அவற்றையும்வழக்குமன்றங்களில்போர்வழக்காடிவென்றெடுத்துள்ளார்.
முல்லைப் பெரியாற்று நீர்மட்டத்தை உயர்த்தியதும் மற்றும் காவேரி நீர்மேலாண்மை வழக்கு மற்றும் கச்சத்தீவு மீட்டெடுக்கும் வழக்கு போன்ற சட்டரீதியான போராட்டங்களையும் அஞ்சா நெஞ்சுறுதியோடு முன்னெடுக்கும் சாதனையாளர் அம்மாவைத் தவிர தமிழக அரசியலில் வேறொருவர் எவருளார்?

#தமிழக அரசியல் வரலாற்றில் கர்மவீரர் காமராசர்,புரட்சித்தலைவர் எம்ஜியார் போன்ற அமரத் தலைவர்களுக்குப்பின் ஆளுங்கட்சியாக இருந்துகொண்டு தொடர்ந்தும் ஆட்சியை தக்கவைத்துக்கொண்ட அரிய சாதனை நிகழ்த்த அம்மாவைத் தவிர எவரினி பிறப்பார்?

கொ.பெ.பி.அய்யா.