அம்மாவியம்.

அம்மாவியம் 3

பதறி ஒடுங்காதே!
பாவம் எண்ணாதே!
பின்னால் ஒளியாதே!
பீதி நம்பாதே!
புண்படப் பேசாதே!
பூச்சியாய் வாழாதே!
பெண்டீரை இகழாதே!
பேதம் பழகாதே!
பைத்தியனாய் திரியாதே!
பொறாமை கொள்ளாதே!
போர்க்குணம் புதைக்காதே!
பௌசு பாராட்டாதே!
அப்பியாசம் தள்ளாதே!

மண்ணை துறக்காதே!
மாதாவை மறக்காதே!
மிகுந்தது மறைக்காதே!
மீட்டது சிதைக்காதே!
முன்சொல் மறுக்காதே!
மூத்தோரை வெறுக்காதே!
மெத்தனம் பேணாதே!
மேடைமொழி கேளாதே!
மையல்வெறி மாளாதே!
மௌசு மயங்காதே!
அம்மாவழி விலகாதே!

கொ.பெ.பி.அய்யா.

பார்த்து விலகு.

பார்த்து விலகு!

பார்த்து விலகு மனிதா- அரசியல்
பைத்தியம் திரியும் பொதுவா.
மனிதன் போலவே பேசும்-உன்னை
மயக்கத் தான்வலை வீசும்.

ஆவிகள் அலையும் மனிதா-அரசியல்
பாவிகள் அவரே அறிவாய்.
ஆசைகள் காட்டி மயக்கும்-உன்னை
அறிவினை நீற்றி வசக்கும்.

நல்லவர் போன்றே மனிதா-அரசியல்
நாடகம் செய்வார் புரிவாய்.
சொல்வோம் செய்வோம் என்பார்-உன்னை
கொள்ளை அடித்தே தின்பார்.

பொதுநலம் செத்தது மனிதா-அரசியல்
சுயநலம் தானது தெளிவாய்.
தொழிலாய் ஆனது அரசியல்-உன்னை
துறவியாய் விட்டது பொதுவியல்.

தேர்தல்க் காலம்  மனிதா-அரசியல்
தீர்தல்க் கோலம் வரைவாய்.
மயக்கும் மொழிகளைத் தள்ளு-உன்னை
பயக்கும் வழிகளை வெல்லு.!

பாசம் தாய்மை மனிதா- அரசியல்
தேசம் செய்வோம் விரைவாய்.
இரட்டை இலைதான் சின்னம்-உன்னை
இமைக்குள் காக்கும் திண்ணம்.!

கொ.பெ.பி.அய்யா.

அன்புள்ள அம்மாவுக்கு.

அன்புள்ள அம்மாவுக்கு.

அன்புள்ள அம்மாவுக்கு உந்தன்
ஆருயிர்ச் செல்வங்கள்-அன்புடன்
வந்தனம் கூறி நன்றியுடன்
சிந்தையிற் கடிதம்.

காமராசர் அண்ணா எம்ஜியார்
சாமிகள் வழியில்-அம்மா
நீயும் எம்முடை உயர்வில்
நீள்கிறாய் வாழி!

கல்வியொன்றே செல்வம் என்றே
சொல்லிய முன்னோர் --உண்மை
கண்டுந்தன் நாடும் நிமிர்த்தியும்
வென்றயம்மா பூர்த்தி!

பெற்றது மட்டும்தான் பெற்றோர்
மற்றது எல்லாம்நீ--நற்றார்
கற்றது நடுஊர் கனிமரம்
உற்றதும் உன்னறம்.

படிப்பதற்கு என்னென்ன வேண்டும்
மடிக்கணினி வரைதான்--தத்தாக
தானெடுத்தாய் தாயே உனக்காக
நாங்கள் இருக்கிறோம்.

கோடி கோடியாய் குழந்தைகள்
கூடிய செல்வங்கள்--அம்மாநீ
தேடிய சொந்தங்கள் நாங்கள்
நீடியும் நீயாள்க!

கொ.பெ.பி.அய்யா.

அன்புள்ள மகனுக்கு.

அன்புள்ள மகனுக்கு.

அன்பு மகனுக்கு தாயின்

அன்புக் கடிதம் வரைகிறேன்.

அம்மா உந்தன் ஆன்மாதான்

வாழும் நானுன் கழகமாய்

நெஞ்சம் வாழ்கிறேன் ஆயிரம்

காலம் தொடரும் நிரந்தரந்தான்.

பந்தம் பாசம்  நானேதான்

சொந்தம் எனக்கு நீயேதான்.

உணவாய் நலமாய் நானேதான்.

உடுத்தத் துணியும் நானேதான்.

உறங்க விடுதியும் அமைதியும் நான்

வழங்கும் அரசும் அம்மா நான்.

ஆலயந் தோறும் அன்னதானம்

அட்சய பாத்திரம் நானேதான்.

பசியை தொலைத்த மேகலையே

பசுமை அம்மா நானேதான்.

அன்ன பூரணி ஆள்வதும்

அம்மா அரசு வாழ்வதும்

மகனே மனது சாட்சியே

சுகமே அம்மா காட்சியே.

தமிழில் அம்மா என்றாலே

தர்மம் என்பார் என்னாலே.

அனாதை அற்ற தமிழ் நாடே

ஆனது தொட்டில் ஒன்றாலே.

ஏழை என்றொரு பாவச் சொல்

இல்லை என்றானது நானே சொல்.

கடமை உனது செயலாலே

நிசமே அம்மா நினைவாலே.

கவிஞர்கொ.பெ.பி.அய்யா.

அம்மாவியம் 2

அம்மாவியம் 2

சண்டைக்கு முந்தாதே!
சாதிக்கப் பிந்தாதே!
சிந்தை அடக்காதே!
சீற்றம் முடக்காதே!
சுதந்திரம் பிழைக்காதே!(பிழைக்காதே-தவறாகப் பயன்படுத்தாதே)
சூதனம் பழகாதே!(பிறரை அழிக்க எண்ணாதே)
செருக்கு முறுக்காதே!
சேவை வெறுக்காதே!
சைவம் அழிக்காதே!
சொல்லுக்கு மயங்காதே!
சோம்பி ஒடுங்காதே!
சௌதாயம் வேண்டாதே!(சௌதாயம்-சீதனம்,நன்கொடை,கையூட்டு)
அச்சம் தூண்டாதே!

தமிழை கழிக்காதே!
தாய்தந்தை ஒதுக்காதே!
திமிர் பேசாதே!
தீவினை முனையாதே!
துணைக்குத் தயங்காதே!
தூய்மை கெடுக்காதே!
தெய்வம் பழிக்காதே!
தேசம் மறக்காதே!
தையலர் இழிக்காதே!(தையலர்-பெண்டீர்)
தொண்மை விலக்காதே!(தொண்மை-பழமை-மரபு)
தோல்விக்கு அஞ்சாதே!
தௌலம் பிசகாதே! (தௌலம்-துலாக்கோல் தர்மம்--நடு நிலை)
உத்தமம் மாறாதே!(உத்தமம்-சத்தியம்-மேன்மை-தர்மம்)

கொ.பெ.பி.அய்யா.

அம்மா நானுன்னுயிர்.

அம்மாதானே நான்.

அம்மாதானே கண்ணே நான்
ஆருக்காக நான்--உன்
அன்புதானே உள்ளே நான்
ஆன்மாவில்தான்.

உயிர்தானே உள்ளேன் நான்
உனக்காக நான்-என்
உதிரம்தானே உன்னில் நான்
உணர்வில்தான்!.

சொந்தம்தானே எல்லாம் நான்
சொத்தாக நான்-உன்
பந்தம்தானே உயிரே நான்
உந்தனால்தான்.

வஞ்சகர்தானே சொல்லும் நான்
அஞ்சாமல் நான்-என்
தஞ்சந்தானே உறவே நான்
நெஞ்சால்தான்!

வாசந்தானே உன்னால் நான்
பாசத்தாய் நான்-உன்
நேசந்தானே தமிழே நான்
பாசையால்தான்.

கொ.பெ.பி.அய்யா.

அம்மாவியம் 1

அம்மாவியம்.

அம்மா மறவாதே!
ஆக்கம் மறுக்காதே!
இயன்றது மறைக்காதே!
ஈகை ஒளிக்காதே!
உரம் விலக்காதே
ஊக்கம் மழுக்காதே
எண்ணம் கலங்காதே!
ஏற்றம் தயங்காதே!
ஐநிலம் பகையாதே!
ஒழுகாது ஓதாதே!
ஓரமொழி பேசாதே!
ஔவியம் எண்ணாதே!
ஃ என சோராதே!

கடவுளைப் பழிக்காதே!
கடமை கடத்தாதே!
கிடந்து கழிக்காதே!
கீழ்மை சேராதே!
குதர்க்கம் பேசாதே!
கூவித் திரியாதே!
கெட்டது கேளாதே!
கேடு பேணாதே!
கையூட்டு விழையாதே!
கொள்கை தவறாதே!
கோஷம் பழகாதே!
கௌடனை பாராதே!
அக்கடானு அலுக்காதே!

தொடரும்.........................

கொ.பெ.பி. அய்யா.